భౌతిక -ఆధ్యాత్మిక చింతన

మానవ జీవన విధానం ,మానవ పరిణామం , పురుషార్ధములు , మోక్షము ,

కర్మ చక్రము , జనన మరణ ములు ,ఇహలోక -పరలోకములు ,

చైతన్యము ,ఆత్మ నిత్యత్వం , -ఇవన్నీ భౌతిక ,ఆధ్యాత్మిక వాదుల మధ్య  విబేధాలు

కలిగించే వాదనలు .

"భౌతిక పదార్ధ -శక్తి శాస్త్రం" అవిద్య అని ఆత్మ నిత్య వాద మే అసలైన సత్యమని,

ఆత్మ స్థితికి చేర్చే శా స్త్రములే  (పరా విద్య ) అని   ఆధ్యాత్మిక వాదులు అంటారు .

ఆధ్యాత్మిక సాహిత్యం అంతా ట్రాష్ అని భౌతిక వాదులు తెగనాడతారు .

పురుషార్ధాలు నాలుగు అని చెప్పినా ,మనిషి జన్మ లక్ష్యం మోక్షం ఒక్కటే !

సరే, దైవం మానవ జన్మ ఇచ్చింది దేని కోసం ?

వనరులను అంది పుచ్చుకొని అనుభవించడ మే గమ్యమని భౌతిక వాదులు ,

ధర్మ చట్రం లో నే వనరులను అనుభవిస్తూ మోక్ష సాధన చేయాలని ఆధ్యాత్మిక వాదులు అంటారు .

ఆధ్యాత్మిక వాదం -

మానవ శరీరం  ని తొడుక్కున్న జీవాత్మ అనేక విధములైన కర్మలతో నిండి ఉంటుంది .

 ఆయా కర్మల భారాన్ని తగ్గించు కోవడమో ,పూర్తిగా తొల గించు కోవడమో  చేయాలి .

ఈ కర్మలను పూర్తిగా భస్మం చేసు కోవాలీ అంటే సత్కర్మల ద్వారా నే సాధ్య పడుతుంది .

అటు దేవతా రూపములలో గానీ ,ఇటు  చీకటి లోకపు స్థితుల తో గానీ

కర్మలను తుడిచి వేసు కోవడం సాధ్య పడదు .

కర్మ లను తగ్గించు కోవడం లో మనిషి గమనం  రెండు రకాలు -ఒకటి సన్యాసం ,రెండోది గ్రహస్థు .

ఎవరైతే బతకటం  కోసం ఆహరం తింటారో ,

ఎవరైతే ఆకలి అయినప్పుడే ఆహరం వెదుక్కొం టారో ,

ఎవరైతే ఒకే చోట 3 రోజు ల కంటే ఎక్కువ గడపరో ,

ఎవరైతే మనోవాక్ కర్మల పరం గా మౌనం గా ఉండ గలరో

ఎవరైతే వివేక విచక్షణ లతో వైరాగ్యాన్ని అభ్యసించ గలరో  - వారే సన్యాసానికి అర్హులు .

గృహస్థు లు తమ బతుకు ప్రశాంతం గా గడపుతూ మోక్షం పొందా లీ అంటే ,

తప్పనిసరిగా ధర్మ విధానం లో అర్ధ కామా లను అనుభ వించాలి .

గృహస్తు కి ధర్మ ఆచరణ తొలుత చాలా కష్టం గా ఉంటుంది . చుట్టూ ఉన్నవారు ఎక్కువ మంది ధర్మ సాధన

చేస్తూ ఉంటే మనమూ ధర్మం గా ఉండ టం తేలిక . కానీ , ఎక్కువ మంది అధర్మ పరులు ఉంటె

ధర్మం గా నడవడం కత్తిమీద సామే !భౌతిక విషయాల పై మోహం ,

మానవ సంబంధాలపై మమకారం -ఇవన్నీ మనిషి అహంకారానికి గుర్తులు .

అహాన్ని భస్మము  చేసు కోవడం గృహస్తు గా మనిషి గమ్యం .

ఆ గమ్యం చేరడానికి ఉన్న మార్గాలు కర్మ ,భక్తి ,జ్ఞాన ,ధ్యాన యోగ పద్దతులు .

దైవం , గురువు ,శాస్త్రం పై ఎడతెగని శ్రద్ధ వాటికి తొలి మెట్టు .

కానీ భౌతిక వాదులు దీనికి ఒప్పు కోరు . ఈ విశ్వం లో ఉన్న వనరులు ,ప్రాణులు పరిణామ

 పరం గా వృద్ది పొందినవే . బలాన్ని బట్టి ఈ వనరులను వాడు కోవడం ప్రాణుల

పుట్టుక కాలం నుండీ జరుగుతుంది .

యుక్తి , బలం, ఉన్న ప్రాణులు పెంపొంది వర్ధిల్లు తాయి .

 మంచి -చెడు అనేవి ప్రశాంతత కోసం మన సమాజం ఏర్పరచు కొన్న నియమాలు .

ధీ శక్తి , తద్వారా సాంకేతిక శక్తి ని ఉపయోగించడం లో మనిషిని మించిన వారు లేరు .

చెట్లు , జంతువులూ మరణించి మట్టిలో కలిసి పోయినట్లే ,మనిషీ అంతే !

పునర్జన్మ,కర్మ చక్రం  అనే వి మానవ మెదడు  ఊహిమ్చు కొన్న ఓ సిద్దాంతం .

ఆ సిద్దాంతం సరైనదో కాదో భౌతిక పరం గా ఇంతవరకు నిరూపించ లేదు .

అభౌతిక విషయాలను అభౌతికం గా నే గ్రహించాలని ఆధ్యాత్మిక వాదుల  వాదన !

భౌతిక వస్తువు అభౌతిక మవ్వడం మరణించి నప్పుడే సాధ్య పడుతుంది .

సిద్దులు అనేవి కూడా అత్యంత అభివృద్ధి చెందిన మానవ శక్తి యుతులే గానీ ,

దైవ శక్తికి సంబంధం లేనివని యోగులే చెబుతున్నారు .

దైవ శక్తి ఈ విశ్వం నకు చోదక శక్తి అని ఆధ్యాత్మిక వాదులు చెబుతున్నారు .

ఈ సృష్టి నిర్వహణకు , ఏదో ఒక శక్తి ఉండాలని భౌతిక సిద్దాంతం కూడా ఒప్పు కొంటుంది .

కానీ వచ్చిన ఇబ్బంది ఏమిటీ అంటే, వెనుకనున్న ఆ శక్తికి కూడా మనిషి కి ఉన్నట్లే

మనస్సు కూడా ఉంటుందని ,ఆ మనస్సు కి వెనక చైతన్య స్థితి ఉంటుందని ,

అది నిత్య ఆనంద ప్రశాంత ప్రజ్ఞాన  స్థితి " అని ఆధ్యాత్మిక వేత్తలు చెబుతున్న సిద్దాంతం

నిరూపణ చేయ లేదు .

విశ్వం లోని గ్రహ నక్షత్రాలకు ,అనగా పదార్ధానికి కూడా అత్యంత సూక్ష్మ స్థాయిలో

మనస్సు ,  చైతన్యం ఉంటాయని ఆధ్యాత్మిక వాదులు అంటారు .

చైతన్యము ---->శక్తి ------> పదార్ధము -ఇది ఆధ్యాత్మిక వాదుల సమీకరణం .

చైతన్యం అనేదానిని భౌతిక వాదులు ఒప్పుకోరు .

శక్తి -పదార్ధ నిత్యత్వ సూత్రాన్ని మాత్రమే ఒప్పు కొంటారు .

మానవ శరీరం లో బాగా వృద్ది పొందిన మనస్సు, బుద్ది ఉండి , వివేకాన్ని ,విచక్షణ ను పెంచు కొనే

సామర్ధ్యం ఉంటుంది . మిగతా జంతువులూ, కీటకాలు మొదలగు ప్రాణులకు వివేక విచక్షణా సామర్ధ్యం

అత్యంత తక్కువగా ఉండే శరీర నిర్మాణం ఉండటం వలన ఇది సత్కర్మ ,అది దుష్కర్మ అనే విచక్షణ ఉండదు .

వాతావరణం ,ఋతువులు , శరీరం లోని హార్మోన్ ల పైన వాటి ప్రవర్తన ఆధార పడి ఉంటుంది .

మానవ శరీరం కూడా జంతువుల మాదిరిగా నే ఋతువులకు, వెలుగు -చీకటికి ,హార్మోన్ లకు

లోబడి పని చేస్తుంది . కానీ బుద్ది అనే మానసిక విభాగం పరిణామం చెందడానికి అనువుగా ఉంటుంది .

పర్యావరణానికి ,హార్మోన్ లకు ,లొంగి ఉన్న శరీరము ,చిత్తము పూర్వపు కర్మల భారానికి

కూడా లొంగి ఉంటుంది .

"చర్య -ప్రతిచర్య " అనేది ఏ శరీరానికైనా ఉండే సాధారణ మైన క్రియ .

సమాచార గ్రహణం(cognizance)  ---> విజ్ఞానం (Knowledge) --> విచక్షణ ( Discrimination)-->వివేకం(Wisdom)---> ప్రతిచర్య (Reaction). ఈ ప్రతిచర్య అనేది 3స్థాయిలలో ఉంటుంది .

ఆలోచన ,వాక్కు ,క్రియ . ఇవన్నీ కూడా ప్రతి ప్రాణికీ ఉంటాయి .

కానీ మనిషి బుద్ది జీవి . మనిషిలో ఈ 3 క్రియలు అత్యంత హెచ్చు స్థాయి లో ఉంటాయి .

సాహిత్యం, నాట్యం , సంగీతం మొదలుకొని 64 కళలు వృద్ది పొందడానికి

మూల కారణం పరిణితి  చెందిన బుద్ది .

ఈ విశాల విశ్వం లో ఇప్పటివరకు మానవ బుద్ది ని పోలి ఉన్న జీవులను మనం చూడలేదు .

కానీ , అంతటి బుద్ది ఉన్న ప్రాణులు విశ్వం లో ఉంటాయని అందరి నమ్మకం .

మన మనుషు ల్లోనే ఈ బుద్ది అనేది , అందరికీ ఒ కే విధం గా వృద్ధి చెంది ఉండదు .

కర్మల భారం అనేది స్తితి శక్తి రూపం లో ఉన్న జీవ కాంతి . దీనికి రుణ విద్యుత్ ఆవేశం ఉంటుంది .

ఈ ఋణ ఆవేశాన్ని న్యూట్రల్ చేయడానికి ధనాత్మక ఆవేశపు శక్తిని పొందాలి .

మనస్సు లో  కలిగే సంకల్పాలు ,ఆలోచనా వృత్తులు ఋణ శక్తిని పెంచుతాయి .

అందుకే సంకల్ప రహితం, ఆలోచనా రహితం కావాలని ధ్యానసాధనలో అది తొలి మెట్టని చెబుతారు .

ధ్యానం లో సాక్షీత్వం మాత్రమే ఉంటుంది . సాక్షిగా ఉండటాన్ని అభ్యాసం చేయడానికి ఎంతో

 ఓర్పు, ఏకాగ్రత ఉండాలి . సాక్షి గా గమనిస్తున్నప్పుడు ఎలాంటి ముందస్తు

అభిప్రాయాలు(presumptions)  గానీ, తీర్పులు(judgmentary) గానీ లేని స్థితిలో ఉండాలి .

ధ్యానం ద్వారా ధనాత్మక ఆవేశము ఉన్న దైవ శక్తి మనలోకి ప్రవహిస్తుంది .

అనగా మానవ శరీరము దైవానికి వాహకముగా మార్పు చెందుతుంది .

 ఋణాత్మక శక్తి ఉన్న ప్రక్రుతి(nature forces),  ధనాత్మక ఆవేశము ఉన్నదైవ  శక్తి(divine energy),

ఈ రెండూ తటస్థ దైవ చైతన్యానికి(Divine consciousness) రెండు పార్శ్వాలు .

 శక్తి తటస్థ మై నప్పుడు  మాత్రమే ఋణాత్మక కర్మ భారం నెమ్మదిగా మాసి పోతుంది .

జీవాత్మ దైవ చైతన్య స్థాయికి తిరిగి చేరు కొంటుంది .

భౌతిక వాదులు  కూడా ఇక్కడ వరకు ఒప్పు కొంటారు . పదాలు తేడా . భావం ఒక్కటే !

ధ్యానం వలన మానసిక "చర్య -ప్రతి చర్యల " హడావిడి తగ్గు తుంది . దానితో మానస సంచలనం ,ఆలోచనా తరంగాలు బాగా తగ్గి మనస్సు ఓ ప్రశాంత స్థితిని చేరు కొంటుంది . దానినే ఆత్మ గత సమాధి అని ఆధ్యాత్మిక వాదులు అంటున్నారు . .

ఇక మోక్షం ,జన్మ రాహిత్యం , కర్మ చక్రం నుండి విముక్తి ---ఇవన్నీ ఆధ్యాత్మిక వాదులు వాడే పడికట్టు పదాలు .

ఎందుకంటే జన్మ రాహిత్యాన్ని ఇంతవరకు నిరూపణ చేయ లేక పోయారు .

మనిషి నాగరికత అభివృద్దికి మూలకారణం కోరికలు .

 అలాంటి కోరికలవలన ఎక్కువ మందికి నష్టం జరిగినప్పుడు కోరికలను తగ్గించు కోవలసిందే .

నీకున్న కోరికల వలన నీకు, నీ కుటుంబానికి, నీ చుట్టూ ఉన్న వారికి కష్ట నష్టాలు కలిగితే

ఆ  కోరికలను మనస్సులో నుండి తుడిచి వేయ వలసిందే !

దీనికోసం దేవుడు, జన్మరాహిత్యం అనే భావాలు ప్రచారం చేయ నక్కర లేదు .

మనిషిని క్రమశిక్షణలో ఉంచడానికి ప్రభుత్వం ఒక పక్క ,మతం ఒక పక్క ఉన్నాయి .

మతం ,ఆధ్యాత్మికత వేర్వేరని అందరికీ తెలిసిన విషయమే !

భౌతిక వాదులైన ,ఆధ్యాత్మిక వేత్త లైనా వారి గమ్యం శాంతి .

 కాబోతే , ఇహం లోనే కాదు పరం కూడా నిజమని , ఆ పరంలో కూడా

శాంతి అవసరమని ఆధ్యాత్మిక వేత్త ల సూచన .