మన కర్తవ్యం .

మనిషి లో ఎందుకు ఇంత ఆక్రోశం ,కాటిన్యం ,క్రౌర్యం ,ఏహ్యం పెరిగి పెచ్చరిల్లి సమాజాన్ని అతలా కుతలం చేస్తున్నాయి ? మనం ఏం చేయాలి ?

కావలసింది దొరకక పోవటం , దొరికింది తృప్తిని ఇవ్వకపోవటం ,
అది మిగతా వారికి దక్కి  సమాజ అసమానత కు దారి తీయటం ,
వ్యసనాలకు వివేక విచక్షణలు నశించి విశ్రుంఖలత కు దారి తీయటం ,
ధన ,మాన ,ప్రాణాల మీద అమితమైన ఆసక్తి ,
కాంతా కనకాల పై విపరీత అనురక్తి , ---- ఇలా మానసిక 
అసమ తుల్యత మనుషులను 
పూర్తిగా మృగ స్థాయికి దిగ జార్చు తుంది .

నిస్సహాయులపై , స్త్రీ లపై దాడి , మాన భంగాలు మితి మీరి సమాజం
 ఆటవిక నికృష్ట త కు ఆలవాలమై పోతుంటే ,ప్రభుత్వం ,
యువత చేతులు   కట్టుకొని చూస్తుంది .
 ధర్మ ,న్యాయ దృక్పధం ఉన్న  నాయకులు కరవై , 
యువత మత్తు పదార్ధాలకు ,సోమరి తనానికి బానిసై ,
సమాజం లో ధనిక ,పేదల తేడా పదింతలై  ,
దేశం అవినీతి కూపం లో కునారిల్లు తుంటే 
ఎవరో వస్తారని ఎదురు చూడ టం పిచ్చితనం .
ఎదురు తిరిగి పోరాడటం మనిష న్న వాడి కర్తవ్యం .